Ipak Yuli Bank’dan Woman Card
So‘mli Visa karta — ayollar uchun butiklar, spa, parfyumeriya va zargarlik do‘konlariga chegirmalar beradi. Boshqa mamlakatlarda ham onlayn to‘lov qilish mumkin. Nomiga e’tibor qilmang, kartani erkaklar ham rasmiylashtirishi mumkin
💰Keshbek: barcha xaridlar uchun 0,5%.
🚚 Kartani chiqarish va yetkazib berish: bepul.
💳 Xizmat ko‘rsatish: bepul.
💸 Pul o‘tkazmalari: Barcha banklarning Humo va Uzcard, shuningdek, Visa Ipak Yuli kartalariga ilova orqali pul o‘tkazilsa komissiya yo‘q.
🏧 Naqd pul yechish: Ipak Yuli bankomatlarida 1% komissiya bor. Boshqa bankomatlarda esa ularning tarifiga bog‘liq.
📈 Qoldiq uchun foiz: yo‘q.
🎁 Bonuslar: bank hamkorlarida 55% gacha chegirmalar bor. Masalan, Chekhov Sport Clubs sport zallarida 55% chegirma bilan abonement olish mumkin (lekin maqola e’lon qilingan paytda bu chegirmalar 45–50% atrofida edi). Shuningdek, Zira kafesi va Urban Store do‘konlarida 10% chegirma bor.
📲 Qanday olish mumkin: Ipak Yuli Bank mobil ilovasi orqali.
TBC Bank’dan Salom Card
Keshbek va qoldiq uchun foizlar bo‘lgan Visa karta. Omonat desa ham bo‘ladi: kartadagi qoldiqqa yillik 12% qo‘shiladi. Boshqa mamlakatlarda ham onlayn to‘lash mumkin.
💰Keshbek: Har bir xarid uchun — 1%, TBC hamkorlarida esa — 5%. Masalan, Yandex GO, Korzinka GO yoki KFCda to‘lov qilsangiz, keshbek ko‘proq bo‘ladi. To‘plangan summa oy oxirida qaytariladi.
🚚 Kartani chiqarish va yetkazib berish: bepul.
💳 Xizmat ko‘rsatish: bepul.
💸 Pul o‘tkazmalari: TBC ilovasi orqali Uzcard va Humo kartalariga komissiya yo‘q.
🏧 Naqd pul yechish: Har oy komissiyasiz 10 mln so‘mgacha yechish mumkin, istalgan bankomatdan. Pul yechayotganda komissiya olinadi, lekin bank keyingi oy boshida shu summani kartaga qaytaradi.
📈 Qoldiq uchun foiz: 12% yillik daromad har oy hisoblanadi. Hisobda kamida 100 000 so‘m bo‘lishi kerak.
🎁 Bonuslar: Aeroportlardagi biznes zallariga kirish. Fast Track orqali tezkor tekshiruvdan o‘tish.
📲 Qanday olish mumkin: TBC mobil ilovasi orqali buyurtma beriladi.
Uzum Bank’dan Uzum
So‘mli Visa karta. Oddiy debet karta sifatida foydalanasiz, mikroqarz rasmiylashtirsa ham bo‘ladi.
💰Keshbek: Hamkor joylarda xaridlar uchun — 10% gacha. Masalan, Chinaras va Affrescoda. Jamoat transportida ham to‘lov uchun 1050 so‘m keshbek beriladi.
🚚 Kartani chiqarish va yetkazib berish: bepul, lekin yetkazib berish faqat Uzum topshirish punktiga amalga oshiriladi.
💳 Xizmat ko‘rsatish: bepul.
💸 Pul o‘tkazmalari: Uzcard va Humo kartalariga — komissiyasiz, oyiga 100 mln so‘mgacha. Bu imkoniyat kartadan beshta to‘lov amalga oshirilgandan keyin faollashadi. Transport, bo‘lib to‘lash va mikroqarz bundan mustasno
🏧 Naqd pul yechish: Har oy 10 mln so‘mgacha, istalgan bankomatdan bepul.
📈 Qoldiq uchun foiz: yo‘q.
🎁 Bonuslar: Uzum Market va Tezkor’dagi aksiyalarda qatnashish.
📲 Qanday olish mumkin: Uzum Bank mobil ilovasi orqali buyurtma beriladi.
AnorBank’dan Mastercard Milliy
Chet elda tovarlar va xizmatlar uchun komissiyasiz to‘lash mumkin bo‘lgan so‘mli karta. Valyuta bank kursi bo‘yicha avtomatik konvertatsiya qilinadi.
💰Keshbek: VISA4YOU sayyohlik agentligida 5%, qolgan hamkorlarda esa 2% gacha. Masalan, "Gruzinskiy dvorik" restoranida.
🚚 Kartani chiqarish va yetkazib berish: chiqarish — 50 000 so‘m, Toshkent shahri va viloyati bo‘ylab yetkazib berish bepul.
💳 Xizmat ko‘rsatish: yiliga 25 000 so‘m.
💸 Pul o‘tkazmalari: AnorBank kartalariga o‘tkazmalar uchun 0% komissiya, boshqa bank kartalariga 0,5% gacha komissiya.
🏧 Naqd pul yechish: AnorBank bankomatida 0%, boshqa bankomatlarda 1,5% gacha.
📈 Qoldiq uchun foiz: yo‘q.
🎁 Bonuslar: MasterCard’dan imtiyozlar, masalan, MyTaxi’ga 20% chegirma, Booking.com saytiga 4%, Toshkent Gullari’dagi gullarga 10% chegirma.
📲 Qanday olish mumkin: Anor Bank mobil ilovasida.
Qaysi kartani tanlash kerak
Asosiy imkoniyatlarni jadvalga to‘pladik. Taqqoslab aynan sizga mos keladigan kartani tanlang.
.jpg)
