Kirish talablari

Ariza topshirishdan oldin, asosiy talablarga javob berishingizga ishonch hosil qilishingiz kerak. Ular oddiy.

Bakalavr diplomi. Magistraturada faqat oliy ma’lumoti borlar o’qiydi. Agar sizda hali maktab attestati yoki tugallanmagan oliy ma’lumot bo‘lsa, ariza topshirish mumkin emas – avval bakalavrda o‘qish kerak.

Diplom tanlangan dasturga mos kelishi shart. Harbir magistratura ma’lum yo‘nalishdagi talabalarga mo‘ljallangan. Agar yo‘nalishingiz mos kelmasa, ariza rad etilishi mumkin. Masalan, iqtisod yo‘nalishida o’qigan bo‘lsangiz, menejment yoki IT-menejment bo‘yicha magistraturaga kirish mumkin. Bu yo‘nalishlar o‘zaro bog‘liq. Ammo gumanitar fakultetni tugatgan bo‘lsangiz, tibbiyot fakultetiga qabul qilinmaysiz.

Ariza topshirishdan oldin chet ellik talabalar bo‘limidagi abituriyentlar uchun ma’lumotlarni yaxshilab o‘qib chiqing, diplom fanlar va o‘quv soatlari soniga mos kelishini tekshiring. Shunda hujjatlarni to‘plab, ariza topshirib, keyinchalik qabul qilinmaslik holatiga tushib qolmaysiz.

Ingliz tili darajasi. O‘qish ingliz tilida bo’lganligi sababli, til bilimini tasdiqlash kerak. Universitet IELTS yoki TOEFL sertifikatlarini qabul qiladi, kirish uchun eng past daraja – B2. Sertifikat topshirilgan paytda amal qilayotgan bo‘lishi kerak.

Agar til imtihonini yaxshi topshirsangiz, to‘langan pulni qaytarib olish imkoniyati bor. Men bu haqda bilmaganimdan, tejash imkoniyatidan foydalana olmadim.

Mening IELTS sertifikatim. British Council sayti orqali imtihon topshirganman, imtihon Toshkent irrigatsiya muhandislari institutida bo‘lgan.

Chet el pasporti yaroqli bo‘lishi kerak. Pasport o‘qish boshlanish sanasidan kamida 12 oy davomida amal qilishi shart. Agar pasportning amal qilish muddati tugayotgan bo‘lsa, hujjatni oldinroq yangilash kerak, aks holda viza rad etishlari mumkin.

Qabul haqidagi ma’lumotlarni qayerdan topsa bo‘ladi

Batafsil shartlar va oxirgi muddatlar doimo universitetning rasmiy veb-saytida ko‘rsatilgan bo‘ladi. Men "Avstriyada ta’lim olish" saytidan ham foydalandim — bu talabalar tomonidan yuritiladigan norasmiy sayt. U yerda ko‘plab foydali ma’lumotlar va misollar bor, ular nima va qanday qilish kerakligini tushunishimga yordam berdi.

Ariza topshirishdan oldin qanday hujjatlar kerak bo‘ladi

Magistratura uchun kerak bo‘ladigan hujjatlar deyarli hamma yo‘nalishlarda bir xil. Faqat ayrim fakultetlar qo‘shimcha hujjatlar so‘rashi mumkin. Masalan, tibbiyot bilan bog‘liq yo‘nalishlarda sog‘liq haqidagi ma’lumotnoma yoki psixologik moslikni tasdiqlovchi hujjat kerak bo‘lishi mumkin. Men IT yo‘nalishiga topshirganman, shuning uchun bunday qo‘shimcha talablarsiz o‘tdim.

Asosiy hujjatlar:

Agar diplom o‘zbek va ingliz tillarida berilgan bo‘lsa, tarjima talab qilinmaydi — asl nusxaning skanerini yuborish mumkin. Agar diplom faqat o‘zbek yoki rus tilida bo‘lsa, ingliz yoki nemis tiliga tarjima qilish kerak.

Ariza topshirish bosqichida asl nusxa va tarjima skanerlarini yuklab olish kerak. Hujjatlarni qonuniylashtirish keyinroq, ro‘yxatdan o‘tgandan so‘ng, viza rasmiylashtirilayotganda kerak bo‘ladi.

Motivatsion va tavsiya xatlari ingliz yoki nemis tillarida bo‘lishi kerak. Motivatsiya xati erkin shaklda yoziladi, nima uchun aynan shu mutaxassislik va universitetni tanlaganingizni ko‘rsatish muhim.

Tavsiyanomalarni siz o‘qigan universitetdan yoki o‘qishni tugatgandan so‘ng ishlagan ish beruvchidan olish mumkin. Asosiysi, ular rasmiylashtirilishi, imzo va muhr bilan tasdiqlanishi kerak.

Barcha hujjatlarni skanerlash, fayllarga ingliz tilida tushunarli nom berish va PDF formatida saqlash kerak, shunda qabul komissiyasiga xatingizni yuzlab boshqa xatlar orasidan o‘qish va qidirish osonroq bo‘ladi.

Bu men o’qishim. Bu yerda hamma narsa juda zamonaviy bezatilgan

Qanday ariza topshiriladi

WU Vienna University of Economics and Business’ga qabul bir necha bosqichda bo‘ladi, odatda yiliga uch marta: kuzda, qishda va bahorda. Birinchi bosqich oktyabrda ochiladi. Bu vizani tayyorlash va turar joy topish uchun vaqt kerak bo‘lganlar uchun qulay. Keyingi qishda va bahorda bo‘ladigan muddatlar esa Yevropa Ittifoqi fuqarolari va hujjatlarni tezroq tayyorlay oladiganlar uchun qulayroq. Men birinchi bosqichda ariza berdim. Vizani ortiqcha shoshilmay olish va kvartira qidirishga vaqtim bo’ldi.

Hozir mana shu universitetda o‘qiyapman

Ariza topshirish onlayn, universitetning rasmiy saytida amalga oshiriladi — har bir universitetning o‘z tizimi bor, lekin prinsip hamma joyda bir xil. Ba’zi universitetlarda ariza topshirish bepul, lekin ba’zan ro‘yxatdan o‘tish uchun kichik to‘lov bo‘lishi mumkin, odatda 20–50 yevro atrofida. To‘lov tafsilotlari va summasi shaxsiy kabinetingizda ko‘rsatiladi.

  1. Saytda ariza  formasini to‘ldirasiz. Shaxsiy ma’lumotlaringizni kiriting: ism, millat, aloqa ma’lumotlari, tanlagan dastur va o‘qishni boshlash semestri.
  2. Ta’lim darajangiz, til bilish darajasi va motivatsiyangiz haqida ham yozing. Ba’zi universitetlarda alohida maydon bo‘ladi, u yerda qisqacha nega aynan shu dasturni tanlaganingizni tushuntirish kerak. Men qisqa motivatsion xat yozdim, to‘liq variantini esa alohida fayl sifatida ilova qildim.
  3. Hujjatlarning skanerlari yoki PDF shaklida nusxalarini ilova qiling.

Formani to‘ldirib bo‘lganingizdan keyin qisqa yakuniy ma’lumot paydo bo‘ladi. Ism, tug‘ilgan sana yoki email manzilingizda xato yo‘qligini yaxshilab tekshiring.Agar arizani xato bilan yuborsangiz, qabul qilinmaydi va vaqt behuda ketadi. Arizani yuborganingizdan keyin elektron pochtaga tasdiqlash xati keladi.

Javob odatda ikki oy ichida keladi. Agar hammasi yaxshi bo‘lsa, universitet qabul xatini yuboradi va dasturga joy band qilish va depozit to‘lash bo‘yicha ko‘rsatmalar beradi.

Universitet sizni qabul qilganini tasdiqlagach, D toifali talaba vizasini rasmiylashtirish kerak — uni olmasangiz, Avstriyada 90 kundan ko‘p o‘qish va yashash mumkin emas.

Viza olish uchun nima kerak

D toifali viza — bu Avstriyadagi talabalar uchun viza. U sizga Avstriyada yashash, o‘qish va hatto ishlash imkonini beradi, lekin faqat ma’lum muddat — olti oygacha. Boshqa turdagi vizalar bu ishga yaramaydi: ular orqali faqat mamlakatga kirish mumkin, lekin o‘qish, yashash ruxsat olish yoki bank hisob raqami ochishning imkoni yo‘q.

Men hujjatlarni bahorda yig‘ishni boshladim, viza esa yozda rasmiylashtirildi. Hammasini, semestr boshlanishidan bir necha oy oldin, iyun oyida topshirdim. Tayyorgarlikga bir necha hafta ketdi, chunki barcha ma’lumotnoma va hujjatlarni yig‘ish, tarjima qilish va birinchi semestr uchun to‘lovni qilish kerak edi.

Viza uchun kerak bo‘ladigan asosiy hujjatlar:

Qabul xati. Universitet uni elektron pochta orqali yuboradi.

Semestr to‘lovi. Universiteting semestri taxminan 750 yevro turadi. To‘lov yiliga ikki marta, kuz va bahorda bo’ladi. Men birinchi semestrni to‘ladim va bankdan to‘lov tasdig‘ini ilova qildim.

Bank hisoboti. Viza olish uchun sizda Avstriyada yashashga yetarli mablag‘ borligini ko‘rsatishingiz kerak. Talab qilinadigan summa yosh, daromad va boshqa omillarga bog‘liq. Taxminiy hisobni onlayn kalkulyator orqali topish mumkin. Mening holatimda yiliga 16 000 yevro kerak edi, men xavfsizlik uchun 20 000 yevrolik hisob ochib, pulni kiritdim va bank hisoboti bilan hujjatlarni taqdim qildim.

Tibbiy sug‘urta. Talabalar, ayniqsa Yevropa Ittifoqi fuqarosi bo‘lmaganlar uchun, sug‘urta Avstriyada amal qilishi va barcha tibbiy xarajatlarni qoplashini ta’minlashi kerak. Sug‘urta limiti 30 000yevro. Xalqaro sug‘urtani vizaga ariza berishdan oldin rasmiylashtirish kerak, aks holda hujjatlaringiz qabul qilinmaydi. Men Gross kompaniyasida qilganman. Keyinchalik Avstriyadagi ÖGK sug‘urtasini olish mumkin, u arzonroq va hamma muolajalarni qoplaydi.

Yashash joyi. Sizda turar joy borligini ham ko‘rsatish kerak. Bular ijara shartnomasi yoki yotoqxona bandlovi. Men V-Haus talaba yotoqxonasida xonani topdim. Oyiga 405 yevro turadi. Kirish vaqtida ikki oy oldindan depozit to‘ladim — 900 yevro, 80 yevro xonani tozalash uchun va 240 yevro yillik bandlov uchun, bu barcha talabalar uchun majburiy. Umumiy summa 1220 yevro bo‘ldi. Shartnomani onlayn imzoladim, skrinshot qilib hujjatlarga ilova qildim.

Passport va fotosuratlar. Men ID kartaning nusxasini va vizaga to‘rtta fotosurat tayyorladim.

Diplom va ma’lumotnomalar. Sudlanmaganlik haqidagi ma’lumotnoma (ichki ishlar bo’limidan), tug‘ilganlik guvohnomasi va diplomlar.

Hujjatlarni men Toshkentdagi Avstriya elchixonasiga topshirdim. Lekin bizning elchixonada hujjatlarni qonuniylashtirish xizmati yo‘q ekan, shuning uchun yana Moskvadagi elchixonaga borib, diplom, sudlanmaganlik va tug‘ilganlik guvohnomasini qonuniylashtirishga to‘g‘ri keldi. Konsullikda qonuniylashtirish taxminan 3 mln so‘m turarkan.

Hujjatlar topshirilgandan so‘ng taxminan ikki oy davomida ko‘rib chiqildi. Men iyun oyida topshirgan bo’lsam, natijani avgust oxirida, uchishdan bir hafta oldin oldim. Vaqtlar mavsum va elchixonaning bandligiga qarab farq qilishi mumkin, shuning uchun arizani oldindan — kamida 2–3 oy oldin berish kerak.

Vizani rasmiylashtirishga taxminan 1,2 mln so‘m sarfladim — konsullik to‘lovi va ma’muriy xarajatlar bilan birga.

Avstriyadagi birinchi hafta

Vizani olib, Venaga kelganimdan keyin adaptatsiya boshlandi. Birinchi kunlar hujjatlarni rasmiylashtirish va bu yerda hamma narsa qanday ishlashini tushunishga ketdi.

Birinchi o’rinda yashash joyida ro‘yxatdan o‘tishim kerak edi, shuni qilmasdan, bank hisobini ochish va sug‘urtani rasmiylashtirish mumkin emas ekan. Keyin Avstriyadagi talaba sug‘urtasi ÖGK’ni oldim — oyiga taxminan 66 yevro turadi, shifokorlar, analizlar va kasalxonani qamrab oladi.

Shu bilan birga, jamoat transporti uchun talaba chiptasini oldim. Venedagi talabalarga maxsus tarif bor — yiliga 365 yevro, kuniga deyarli bir yevro. Transport juda qulay, shuning uchun mashina olish shart emas.

Vena shahridagi olmali shtrudel

Talaba vizasi bilan haftasiga 20 soatgacha ishlashga ruxsat beriladi. O‘rtacha stavka soatiga 15 yevro atrofida. Ruxsat ish beruvchi tomonidan beriladi va odatda uch-to‘rt hafta ichida tayyor bo‘ladi. Nemis tilini bilsangiz ish topish imkoniyatlar ko‘proq, lekin til bilmasangiz ham ish topish mumkin — kafe,do‘kon yoki omborlarda ishlash mumkin. Hozir men ham qo‘shimcha ish izlayapman.

Avstriyada yashash ruxsatini rasmiylashtirish uchun jami xarajatim taxminan 2,1 mln so‘m, ya’ni 150 yevro bo‘ldi. Birinchi oy qimmatga tushib ketdi, lekin barcha hujjatlarni rasmiylashtirib bo‘lgach, xarajatlarni kamaytirdim. Tizim va ritmga odatlangach, yashash ancha osonlashdi.

Universitetda darslar shunday o’tadi

Uchib borish va bank hisobidagi sug‘urta summasini hisobga olmaganda asosiy xarajatlar taxminan 3056 €:

Avstriyada magistraturaga qanday o‘qishga kirish mumkin

  1. Shartlarga mos ekaningizni tekshiring. Magistraturaga kirish uchun bakalavr diplomingiz, IELTS yoki TOEFL sertifikatingiz bo‘lishi kerak.
  2. Dastur va universitetni tanlang. Universitet saytida barcha ma’lumotlarni diqqat bilan o‘qing, ba’zi shartlar o‘zgarishi mumkin. Diplomingiz tanlangan yo‘nalishga mos kelishiga e’tibor bering.
  3. Hujjatlarni tayyorlang. Diplomning ilovasi, IELTS yoki TOEFL sertifikati, motivatsion maktub, tavsiyanomalar, pasport va fotosuratlar. Agar diplomingiz ingliz yoki nemis tilida bo‘lmasa tarjima qiling.
  4. Ariza topshiring. Universitet saytida shaxsiy kabinet oching, anketani to‘ldiring va hujjatlarni yuklang. Kerak bo‘lsa, ro‘yxatdan o‘tish uchun ham to‘lang.
  5. Qabul xatini kuting. Javob odatda ikki oy ichida keladi. Qabul xatini olganingizdan keyin birinchi semestrni to‘lang va vizani rasmiylashtirishni boshlang.
  6. D toifali viza uchun hujjatlarni yig‘ing. Kerak bo‘ladi: qabul xati, semestr to‘lovi tasdig‘i, bank hisoboti (taxminan 16 000 yevro), sug‘urta (kamida 30 000 yevro), yashash joyi shartnomasi, diplom va boshqa ma’lumotnomalar.
  7. Viza uchun ariza topshiring. Viza Avstriya elchixonasida rasmiylashtiriladi. Agar hujjatlarni qonuniylashtirish kerak bo’lsa, Moskva elchixonasiga boring.
  8. Kelganingizdan keyin yashash ruxsatini oling. Avstriyaga kelgach, yashash joyida ro‘yxatdan o‘ting, ÖGK sug‘urtasini rasmiylashtiring va yashash ruxsati uchun hujjatlarni topshiring.