Dizayn-loyiha nima va u nega kerak

Dizayn-loyiha — remontdan keyin kvartira qanday ko‘rinishini oldindan ko‘rsatadigan chizmalar, kollajlar va boshqa materiallar to‘plami. Unda hamma texnik hisob-kitoblar bo‘ladi. Masalan, hammomga qancha plitka yoki devorlarga qancha bo‘yoq kerakligi hisoblab chiqiladi. Quvur o‘tishi, rozetkalar qayerga tushishi ham aniq belgilanadi. Ko‘pchilik buni dizaynerga qildirishadi, lekin tajriba bo‘lsa, o‘zingiz qilsangiz ham bo‘ladi. Biz dizayn kompaniyasiga murojaat qildik va loyiha uchun 1600 $ to‘ladik.

Dizayn-loyiha remont paytida nima qilish kerakligini ko‘rsatadi. Qancha qurilish materialini olishni ham aniq bilasiz. Loyiha to‘g‘ri bo‘lsa, ortiqcha vaqt va xarajat qilmaysiz. Xatolari bo‘lsa, remont paytida rejalarni o‘zgartirishga to‘g‘ri keladi.

Mukammal loyihada ham muammolar chiqishi mumkin. Nimadir sig‘masligi, xalaqit berishi yoki ortiqcha bo‘lishi mumkin. Asosiy maslahat — hammasini joyida tekshiring. O‘lchang, joyini ko‘ring, aniqlashtiring. Natija dizayner chizganidan farq qilishiga ham tayyor turing.

Remontdan keyingi uyimiz. Bizga natija yoqdi, lekin dizayn-loyiha kutilganidek bo‘lmadi. Ko‘p joylarni tuzatishgamajbur bo‘ldik. To‘g‘risi, dizaynerning ishidan ko‘nglimiz to‘lmadi

1-muammo. Elektrika va santexnika

Joy tejalishi uchun boylerni elektr sushilkaning tepasiga qo‘ymoqchi bo‘ldik. Mantiqan to‘g‘ridek tuyulgandi. Lekin usta buni ko‘rib, boyler oqsa, suv sushilka ustiga tushib, qisqa tutashuv va yong‘in chiqishi mumkinligini aytdi. Keyin, sushilkani balandroq ko‘tarib, tagiga kir mashinasini qo‘ydik, rozetkalarni yon tomonga oldik, boylerni esa boshqa joyga ko‘chirdik.

‍Nima qilish kerak? Suv manbalarini elektr jihozlaridan pastroqqa qo‘ying. Boyler, quvur va filtrlarni sushilka, shit yoki rozetkalar tepasiga osmang. Joy biroz kamayishi mumkin, lekin xavfsizlikni ham unutmaslik kerak.

Chapda: chizmaga ko‘ra sushilka kir mashinasi tepasida joylashgan edi. Lekin bunday montaj qilish uchunmaxsus ramka kerak ekan. Boyler esa ularning tepasida joylashgandi. Rozetkalar pastda bo‘lgani uchun suvtoshsa, qisqa tutashuv xavfi bor edi. O‘ng tomonda: amalda esa sushilka kir mashinasi ustiga o‘rnatildi, rozetkalaryuqoriroqqa ko‘chirildi, boyler esa boshqa joyga o‘tkazildi

2-muammo. Yorug‘lik

Loyihaga ko‘ra xonada faqat lyustra va chiroqlar bor edi. Shuning o‘zi yetadi deb o‘ylagandik. Lekin elektrik usta bunday qilinsa xona burchaklari, oyna oldi va ish stoli soyada qolib ketishini aytdi. Shuning uchun oshxona, yotoq joyi va devordagi tokchalarga alohida yoritgichlarni o‘rnatdik.

Nima qilish kerak? Yoritish tizimini ehtiyojingizga qarab rejalashtiring. O‘tiradigan, dazmol qiladigan va kiyinadigan joylarga alohida yoritgichlar kerak. Hammasini oldindan o‘ylab qo‘ying. Hammasini boshqatdan qilish juda qimmatga tushishi mumkin.

Loyihada yorug‘lik kam, faqat nuqtali va spot chiroqlar bor edi. Amalda bu chiroqlar ko‘zni charchatib, uyni sovuqko‘rsatar ekan. Biz chiroqlarni boshqasiga almashtirdik. Maxsus linza orqali yorug‘likni ko‘paytirdik. Uyni hamyorug‘, ham shinam qilish uchun boshqa chiroqlar qo‘shdik
Remont uchun qanday pul yig‘ish mumkin

Remont uchun pulni ishonchli bankdagi omonatda yig‘ing. TBC Bank’da muddatli omonatdan foydalanishingiz mumkin. Ikki yilga ochilgan omonatingizga yillik 20% ustama hisoblanadi. Har oy 2 mln so‘mdan qo‘yib borsangiz, 24 oyda 48 mln so‘m yig‘iladi. 20% ustama bilan bu summa 71 mln so‘mdan oshadi.

Remont vaqtida ham pul yig‘ib borsa bo‘ladi. Kutilmagan xarajatlar uchun Odat muddatsiz omonati juda qulay. Undagi foiz stavkasi biroz pastroq — 13%, lekin omonat muddatida hech qanday cheklov yo‘q.

3-muammo. Konditsioner

Konditsioner ko‘zga tashlanmasligi uchun uni eshik tepasiga o‘rnatmoqchi edik. Lekin quruvchi kompaniya konditsioner uchun teshikni boshqa burchakdan ochgan ekan. Ko‘chirish uchun devorni o‘yish, drenajni qayta qilish va shiftni tushirish kerak edi. Shift pastlasa, eshik ustida konditsioner uchun joy qolmasdi. Ortiqcha xarajat qilmasdan, uni deraza yoniga o‘rnatdik.

Nima qilish kerak? Quruvchi kompaniya yoki ustadan konditsioner qayerdan o‘tganini va uni ko‘chirish imkoniyatini oldindan aniqlab oling. Dizayn uchun yarim xonani buzib tashlagandan ko‘ra, interyerni uyga moslashtirish osonroq bo‘ladi.

Rasmda hammasi chiroyli ko‘ringandi, lekin buni qilish qiyin va qimmat bo‘lib chiqdi. Shu sababli konditsionernioyna yoniga qo‘ydik

4-muammo. Oshxona texnikalari

Oshxona dizaynida standart o‘lchamlarga qarab, muzlatkich, duxovka va idish yuvish mashinasiga 60 sm joy qoldirdik. Tanlagan modellarimiz esa kengroq chiqdi. Idish yuvish mashinasiga esa ventilyatsiya uchun qo‘shimcha joy ham kerak ekan. Loyihani o‘zgartirib, stolni surish, korpusni o‘zgartirish va qo‘shimcha pul to‘lashga to‘g‘ri keldi.

Nima qilish kerak? Oldin qaysi texnikani olishingizni aniqlang, ularning montaj sxemasini internetdan olib, ustalarga bering. Ventilyatsiya va eshiklar ochilishi uchun oraliqlarni oldindan hisoblang. Shunda oshxona uchun ortiqcha xarajat qilmaysiz.

Loyiha bo‘yicha muzlatkich chap tarafdagi shkaf ichiga qo‘yilishi kerak edi. Lekin joy yetmagani uchun uni alohidachiqarishga to‘g‘ri keldi

5-muammo: sanuzel eshigi

Loyihada unitazdan eshikkacha 35 sm joy qoldirgandik. Lekin montaj vaqtida eshik santexnikaga taqalib, to‘liq ochilmay qoldi. Installyatsiya va santexnikani chetga surishga to‘g‘ri keldi.

Nima qilish kerak? Chizmadagi o‘lchamlarni uyingiz bilan solishtiring. Eshik santexnikaga taqaladimi-yo‘qmi, tekshiring. Kafel, suvoq va eshik romlari qalinligini hisobga oling. Devorni buzishdan ko‘ra, hammasini oldindan tekshirgan ma’qul.

Dizayn-loyihada hammasi bemalol sig‘ishi kerak edi. Amalda eshik unitazga taqalib qoldi va eshik o‘rnini 10 smga kichraytirishga majbur bo‘ldik

Uyingiz dizayn-loyihasini tekshirish uchun chek-list

  1. Buzib va ko‘chirib bo‘lmaydigan devorlar, santexnika va isitish tizimlarini hisobga oling.
  2. O‘lchash paytida devor qoplamasi qalinligini aniqlashtiring. Tanlangan texnikalarni o‘rnatish va eshiklarni ochish uchun yetarlicha joy kerak.
  3. Santexnika va maishiy texnikalarni xavfsizlik qoidalariga ko‘ra joylashtiring. Quvurlar qayerdan va qanday o‘tishi loyihada aniq ko‘rsatilishi kerak.
  4. Oshxonani foydalanish uchun qulay qilib rejalashtiring. Barcha maishiy texnikalar ajratilgan o‘rinlarga bemalol sig‘ishi kerak.
  5. Rozetkalar mebellar o‘lchamiga moslab o‘rnatilishi kerak. Ayniqsa oshxonada kerakli texnikalar uchun elektr nuqtalariga joy ajrating.
  6. Uyda yetarlicha yorug‘lik bo‘lishi, chiroqlar kerakli joylarga to‘g‘ri o‘rnatilishi kerak.
  7. Eshiklar qulay tomonga ochilishi kerak. Ular yo‘lakni yoki xonaning muhim qismlarini to‘smasin va kirib chiqishga xalaqit bermasin.