FIFA Pass o‘zi nima?
FIFA Pass bu alohida “muxlislik vizasi” emas. Bu dastur bilan faqat chipta olgan odamlar elchixonadagi suhbatga navbatsiz yoziladi. Batafsil ko‘rsatma rasmiy saytda chipta sotib olgandan keyin elektron pochtaga yuboriladi.
Dastur yoki tayyor chipta vizani olish ehtimolini oshirmaydi. Bu hech qanday kafolat bermaydi va konsul qaroriga ta’sir qilmaydi. Tizim faqat umumiy navbatda bo‘sh joylar bo‘lmaganda yoki juda kech muddatlarga to‘g‘ri kelganda, suhbatga tezroq yozilishga yordam beradi.
Agar siz FIFA Pass orqali suhbatga yozilib, keyin chiptani sotsangiz, bu elchixonasining qaroriga ta’sir qilmaydi. Agar viza berilgan bo‘lsa, u bekor qilinmaydi.
FIFA Pass’dan qachon foydalanish mumkin?
Agar suhbat uchun slotlar 31-maydan keyingi sanalarga to‘g‘ri kelsa, FIFA Pass tezlashtirilgan foydalanish mumkin. Agar suhbat uchun slotlar 31-maydan keyingi sanalarga to‘g‘ri kelsa, FIFA Pass tezlashtirilgan yozish funksiyasidan foydalanish mumkin. Undan oldingi sanalarga belgilangan bo‘lsa, hech narsani tezlashtirish shart emas. Oddiy navbat bilan ham ulgurasiz.
Toshkentda viza suhbati uchun kutish vaqti o‘rtacha 15 kun, lekin muddat o‘zgarishi mumkin. JCH-2026 yoki ta’til mavsumi oldidan bo‘sh joylar kamayadi. Shuning uchun FIFA Pass bo‘lsa ham, chiptalarni olish va viza uchun suhbatga yozilishni oldindan, mart-aprel oylarida qilgan yaxshi.
Dasturdan faqat fuqarolik bo‘lgan yoki doimiy yashayotgan mamlakatda foydalanish mumkin, boshqa davlatlardagi AQSh elchixonalariga navbatsiz yozilib bo‘lmaydi.
FIFA Pass’da qanday qatnashish mumkin
Chiptalarni xarid qiling va dasturni faollashtiring. Buning uchun FIFA rasmiy saytida ro‘yxatdan o‘ting. Chiptalarni tanlab, to‘lovni amalga oshiring. Bu haqda “JCH-2026 dagi O‘zbekiston terma jamoasi o‘yinlariga qanday chipta olish mumkin” nomli maqolamizda o‘qing.
Xariddan keyin, FIFA Pass dasturida ro‘yxatdan o‘tish shaklini to‘ldirish kerak. Undagi ma’lumotlar xorijga chiqish pasporti bilan mos kelishi shart. Dasturni faollashtirish uchun chiptangiz kalitini ko‘rsatasiz. Har bir chiptaning o‘ziga xos raqami bo‘ladi.
AQSh vizasiga ariza topshirish. Kirish uchun B1/B2 toifasidagi ko‘p martalik turistik viza kerak. Uni olish uchun birinchi navbatda DS-160 shaklini to‘ldirish kerak. Undagi ma’lumotlar FIFA Pass shaklidagi ma’lumotlar bilan bir xil bo‘lishi shart.
Elchixonada suhbatga yozilish. DS-160 shaklini to‘ldirgandan keyin, AIS tizimida shaxsiy kabinet oching. U yerda ham qisqa anketa to‘ldirish va ariza raqami orqali shaklni unga biriktirish kerak. Ko‘rsatilgan ma’lumotlar hamma joyda, ayniqsa FIFA saytida bir xil bo‘lishi juda muhim. Barcha maydonlar to‘ldirilgandan keyin, tizim viza yig‘imini, 185 dollarni to‘lashni so‘raydi. Uni faqat VISA yoki MasterCard xalqaro to‘lov tizimlari kartalari, masalan, TBC Salom orqali to‘lash mumkin.
DS-160 anketasini to‘ldirish va AQSh elchixonasidagi suhbatga yozilish haqida “AQShga turistik vizasini vositachilarsiz qanday olish mumkin” maqolamizda yozganmiz.
FIFA Pass’dan foydalanish. Konsullik yig‘imini to‘laganingizdan keyin, kalendardan suhbat sanasini tanlayotganingizda, tizim JCH-2026 chiptalari egasi ekanligingizni so‘rashi mumkin, bu holatda “Ha” (Yes) deb javob berish kerak. Agar bunday savol chiqmasa va suhbat sanasi 31-maydan keyingi muddatga to‘g‘ri kelsa, eng yaqin bo‘sh sanaga yoziling. Keyin shaxsiy kabinetga kirib, “Davom etish” (Continue) → “FIFA World Cup 2026 chiptasi egasi” (FIFA World Cup 2026 ticket holder) → “Suhbat uchun ertaroq sana so‘rash” (Request earlier interview date) ketma-ketligini bajaring. Shundan keyin, elchixona so‘rovingizni ma’qullashini va bo‘sh sanalarni yuborishini kutishingiz kerak bo‘ladi.
Chipta egasining turmush o‘rtog‘i va farzandlari ham suhbatdan tezlashtirilgan tartibda o‘tishi mumkin. Buning uchun ular viza suhbatida chipta egasi bilan birga bo‘lishlari kerak.
Suhbatlar Toshkentdagi AQSh elchixonasida oflayn o‘tkaziladi: Yunusobod, 5-mavze, Moyqo‘rg‘on ko‘chasi, 3-uy.
FIFA Pass bilan AQSh vizasini olish haqida qisqacha
- 2026-yilgi futbol bo‘yicha Jahon chempionati uchun maxsus viza turi yo‘q. Faqat suhbatga yozilishni tezlashtirish mumkin.
- Agar sizda AQSh vizasi bo‘lsa, AQShga kirmasdan to‘g‘ri Meksikaga borsangiz ham, sizni davlatga kiritishadi.
- FIFA Pass dasturidan foydalanish uchun birinchi navbatda o‘yinga chipta xarid qilish kerak.
- Agar tizim sizga 31-maydan keyingi sanalar uchun ochiq slotlar bersa, boshqa suhbat sanasini olishingiz mumkin.
- FIFA Pass dasturi bo‘lsa ham, vizasini rasmiylashtirishni oldindan boshlash tavsiya etiladi.
