‍Pro Camp

Oromgohda har mavzuli smenalar bo‘ladi. Masalan, birinchi smenada bolalar dorama suratga oladi, oltinchisida esa Voldemort ustidan g‘alaba qozonishadi.

Shinam xonalar, kuniga 6 mahal ovqat, pediatr nazorati, zamonaviy kurslar, sport, ijodiy mashg‘ulotlar va har kuni o‘yin-tanlovlar bor. Oromgoh Chirchiq yaqinida joylashgan. Ota-onalar dam olish kunlari bolalarni ko‘rgani kelishadi, Telegramda ham doimiy hisobotlar olishadi.

‍Yosh: 6 dan 17 yoshgacha.

Dastur: tanlov uchun sakkizta til, sport, ijodiy to‘garaklar, zamonaviy kasblar bo‘yicha kurslar, taklif qilingan spikerlardan master-klasslar, har kuni o‘yinlar va konkurslar.

‍
Smena: 12 kun.

Narxlar: 3 390 000 so‘mdan 3 790 000 so‘mgacha. Eng arzonlari — 1 va 7 smena, ular 3 390 000 so‘m turadi. 2 va 6 smena — 3 590 000 so‘m, qolganlari esa 3 790 000 so‘m. 

Pro Camp’da xonalarga 4 tadan 14 tagacha odam joylashadi. Manba: oromgohning instagrami

Konstruktor

Chorvoq qirg‘og‘idagi toza havo va yashil tabiatli oromgoh. Bolalar uchun raqs va futbol chempionatlari o‘tkaziladi. Ular Ingliz tilini o‘rganishadi, tug‘ilgan kunlar esa quvnoq tarzda nishonlanadi. Har bir guruh Telegramda alohida nazoratda turadi. Ota-onalar bola ta’tilini kuzatib borishlari mumkin. Ovqatlanish — 6 mahal.

Yosh: 6-16 yosh.

Dastur: tabiat qo‘yniga safarlar, qiziqishlar bo‘yicha mashg’ulotlar, qo‘l mehnati va origami to‘garaklari, shaxmat, ingliz tili, kechki tadbirlar, chempionatlar, kino hamda diskoteka

Smena: 12 kun

Narxlar: 2 200 000 so‘mdan 3 150 000 so‘mgacha. Eng arzonlari — 1 va 5 smena, har biri 2 200 000 so‘m turadi.

"Konstruktor"da basseyn bor. Olti mahal ovqat beriladi. Manba: oromgohning instagrami

Semurg

Oqtosh yashil hududida joylashgan va O‘zbekistondagi eng taniqli oromgohlardan biri. Olti mahal ovqatlanish, kuchli nazorat, xalqaro tajribasi bor guruh yetakchilari. Bolalar zerikib qolishmaydi: basseynda suzish, basketbol yoki futbol o‘ynash, raqsga tushishni o‘rganish, tanlovlarda qatnashish va ijod qilishlari mumkin

Yosh: 7-14 yosh

Dastur: sport, suzish, ijodiy to‘garaklar, tillar, Neptun kunini nishonlash, tabiat qo‘yniga safarlar, raqs bo‘yicha batllar, diskotekalar va tanlovlar.

Smena: 14 kun

Narxlar: 1-smena — 4 000 000 so‘m, qolgan uchta smena esa 4 300 000 so‘mdan.

“Semurg”da turli sport turlari bo‘yicha musobaqalar o‘tkazilib olti mahal ovqat beriladi. Manba: oromgohning instagrami

Радуга – Kamalak

G‘azalkentdan pastroqda va Oqtoshning yashil hududida joylashgan zamonaviy oromgoh. Bu joyni qiziqarli dasturlar va e’tiborli guruh yetakchilari uchun maqtashadi. Bolalar uchun to‘garaklar juda ko‘p — bu, haykaltaroshlik, aviamodellashtirish, rasm chizish, qo‘l mehnati to‘garaklari. Bolalar o‘zlarini haqiqiy sahna yulduzlaridek his qilishlari mumkin bo‘lgan karaoke kechalari ham bor.

Yosh: 7-14 yosh

Dastur: sport, suzish, diskotekalar, tanlovlar, ochiq osmon ostidagi kinoteatr, to‘garaklar, mahorat darslari

Smena: 12 kun.

Narxlar: har bir smena uchun 3 400 000 so‘m.

Gulxan, qo‘shiqlar va iliq suhbatlar bo‘lgan oromgohdagi oqshomlar bir umr esda qoladigan ajoyib lahzalardir. Manba:  oromgoh instagrami

Anor Camp

Bo‘stonliq tumanidagi katta yashil hududda joylashgan ijodkor bolalar uchun oromgoh. Shirinlik va fast-fudlarsiz foydali ovqatlar beriladi, bolalar pediatrning 24 soatlik nazoratida bo‘ladi. Hududda Wi Fi va videokuzatuv bor.

Yosh: 7-14 yosh

Dastur: sport, mavzuli interaktivlar, san’at va hunarmandchilik studiyalari, to‘garaklar, kino, tabiat qo‘yniga safarlar, diskotekalar, tanlovlar

Smena: 12 kun

Narxlar: har bir smena uchun 2 000 000 so‘m.

Anor Camp’da futbol chempionatlari, kitobxonlar tanlovlari, tarix bo‘yicha interaktivlar va boshqa o‘nlab tadbirlar o‘tkaziladi. Manba: oromgoh instagarami

Happy Summer

Ingliz tiliga ko‘proq urg‘u berilgan oromgoh. Chorvoq suv ombori yaqinidagi tog‘li hududda joylashgan. Tabiat qo‘ynida dam olish bu yerda faol va qiziqarli o‘quv dasturi bilan birga olib boriladi. 

Yosh: 6 yoshdan 16 yoshgacha. 

Dastur: ekologiya, sehr, anime, kino, kvestlar, jamoaviy o‘yinlar va ijodiy tadbirlarga bag‘ishlangan mavzuli smenalar. Sport mashg‘ulotlari, master-klasslar va ingliz tili darslari ham bor — hammasi o‘yin formatida o‘tadi. 

Smena: 12 kun.

Narxlar: 1 900 000 so‘mdan 3 990 000 so‘mgacha. Eng arzon smena — 8 smena, u 1 900 000 so‘m turadi. 3 dan 7 smenalar eng qimmat — 3 990 000 so‘mdan.

Oromgohni bolalar bilan tez til topishadigan yetakchilari uchun ham yaxshi ko‘rishadi. Manba: lager sayti

Sokol

Katta yashil hududli oromgoh. Bo‘stonliq tumanidagi Xo‘jakent qishlog‘ida joylashgan. 

Yosh: 7 yoshdan 15 yoshgacha. 

Dastur: futbol va voleybol to‘garaklari, rasm va raqs studiyalari, basseynda suzish, kechki kino namoyishlari, kvestlar va tog‘ havosidagi diskotekalar. 

Smena: 12 kun

Narxlar: 3 500 000 so‘mdan 3 700 000 so‘mgacha. 1- va 6-smena — 3 500 000 so‘m, qolganlari biroz qimmatroq.

Sokol’da bolalar uchun qiziqarli ko‘ngilochar dasturlar tashkil qilinadi, bepul kinoteatr ham ishlaydi. Manba: oromgoh sayti
Yo‘llanma qanday olinadi

Oromgohga yo‘llanmani onlayn tarzda - oromgohlar.uz sayti yoki shu nomdagi mobil ilova orqali tanlash mumkin. Bu, mamlakatning litsenziyaga ega oromgohlarining rasmiy portali. Smenani bolaning yoshi, yashash hududi va qiziqishlariga qarab tanlash mumkin. Barcha oromgohlar boshqa viloyatlardan kelgan bolalarni qabul qilishga tayyor.

Kam ta’minlangan oilalar uchunkompensatsiya bor — qiymatning 50%gacha. Rasmiylashtirish vaqtida chegirma avtomatik ravishda qo‘llaniladi. payme orqali to‘lash mumkin — bu uchun bir necha daqiqa kerak.

НOromgohga kelishdan oldin quyidagilarni tayyorlang:

  • bolaning tug’ilganlik to‘g’risidagi guvohnomasi;
  • ota-ona pasportining nusxasi;
  • 079/x tibbiy ma’lumotnoma – oilaviy poliklinikada beriladi.

Ba’zi oromgohlar 086 shaklidagi tibbiy ma’lumotnomani ham talab qilishi mumkin, u ham oilaviy poliklinikada beriladi. Kerakli hujjatlarning aniq ro‘yxatini tanlangan oromgohdan aniqlashtiring.